Forsiden»Saami

Buhcciidsiidda ja ruoktobálvalusaid ovdánahttinguovddáš

Buhcciidsiidda ja ruoktobálvalusaid ovdánahttinguovddáš (BRO) lea našunála áŋgiruššan man ulbmil lea ovddidit buriid dikšo- ja fuolahusbálvalusaid gieldadásis. Dearvvašvuođadirektoráhta lea ruhtadan áŋgiruššama sierra juolludemiin. Áŋgiruššan lea 1999:s álggahuvvon“Oahpahanbuhcciidsiida”-viggamušas ovdánahtton.

Áŋgiruššama višuvdna: Máhtu bokte ovdánahttin.

Juohke fylkkas leat guokte ovdánahttinguovddáža; okta ovdánahttinguovddáš buhcciidsiiddaid várás ja okta ovdánahttinguovddáš ruoktobálvalusaid várás.
 Váldoulbmil:
  • Buhcciidsiidda ja ruoktobálvalusaid ovdánahttinguovddáš ovddida máhtu ja kvalitehta miehta fylkka buhcciidsiiddain ja ruoktobálvalusain.
Oasseulbmilat:
  • Ovddidit fága- ja bálvalusovdáneami mii lea báikkálaččat ja nasunálalaččat erenoamážit vuoruhuvvon/čilgejuvvon
  • Ovddidit ohppiid, oahpahalliid ja studeanttaid hárjehallanfálaldaga ovdáneami
  • Ovddidit bargiid gelbbolašvuođaloktema
  • Láhčit dili dutkamii ja ovdáneapmái dearvvašvuođa- ja fuolahusbálvalusas.
Áŋgiruššama áigumuš
  • Oččodit geatnegahtti ovttasbarggu oahpahusásahusaid, gielddaid, fylkamánni ja stáhta gaskkas.
  • Doarjut buori báikkálaš kvalitehtabuorideaddji álgaga go addá ruhtadoarjaga guovtti válljejuvvon gielddalaš ovttadahkii juohke fylkkas.
  • Ávžžuhit vásáhusjuohkima ja máhttojuohkima juohke fylkka gielddaid gaskkas ja našunálalaččat.
Jus dus ležžet jearaldagat áŋgiruššama birra, válddes fal oktavuođa Dearvvašvuođadirektoráhtain:
Ingvild M. Svendsen, tel.+47 24 16 35 92
Therese Opsahl Holte, tel. +47 24 16 39 22
Ovdánahttinguovddážiid historjá
 
 
 
 
1996
 
 
     
Našunála Oahpahusbuhcciidsiida-áŋgiruššan váldojuvvui fárrui Našunála geriatriijaprográmmii maid Stáhta dearvvašvuođabearráigeahčču jođihii, 1996:s. Buohccedikšuinstituhtta Oslo Universiteahtas oaččui geriatriijaprográmmas doarjaga ráhkadit Oahpahusbuhcciidsiidda našunála plána.  Oahpahusbuhcciidsiidda jurdda boahtá Teaching Nursing Homes:s USA:s.
 
 
 
 
1999-2003
 
 
 
Sosiáldepartemeanta doarjjui plána 1999:s, ja álggahuvve vuolit prošeavttat Oslos (Tåsenhjemmet), Bergenis (Fyllingsdalen buhcciidsiida), Troandimis (Søbstad buhcciidsiida) ja Tromssas (Kroken buhcciidsiida).
 
 
 
 
2001
 
 
 
Kárášjohka čilgejuvvui sierra prošeaktan sámi álbmoga várás.
Prošeakta árvvoštallojuvvui gaskkamuddus raporttain mii almmuhuvvui 2002:s (
FAFO-rapport 2002 ) ja loahpaárvvoštallan dahkkui  2003:s (Ingar Pettersen AS).
 
 
 
 
2004
 
 
 
Mearriduvvui guhkidit áŋgiruššama Oahpahusbuhcciidsiida-modealla olis, ja oahpahusbuhcciidsiiddat šadde de bistevažžan. Vuoruheapmi vuođuštuvvui  St.dieđ. nr.25 (2005-2006) "Birgejupmi, vejolašvuođat ja eallinmokta. boahtteáiggi fuolahushástalusat", Fuolahusplána 2015:s ja oasseplánas "Gelbbolašvuođalokten".
 
 
 
 
2005
 
 
 
Songdalen Oahpahusbuhcciidsiida, Songdalstunet, álggahuvvui okta guđa oahpahusbuhcciidsiiddas.
Abildsø válddii badjelasas oahpahusbuhcciidsiidadoaimma Oslos, Tåsenhjemmet heittii doaimmastis.
 
 
 
 
2008
 
 
 
Ulbmilolaheapmi: dán jagi rájes ledje oahpahusbuhcciidsiiddat buot Norgga fylkkain. Ledje guhtta váldooahpahusbuhcciidsiidda man vuolde ledje “satellihttabuhcciidsiiddat” iešguđetge dearvvašvuođaguovllus. Váldooahpahusbuhcciidsiiddat válde ovddasvástádusa iežaset guovllus fierpmádagas.
 
 
 
 
2009
 
 
 
Oahpahusruoktobálvalusat álggahuvvojedje buot fylkkain. Oahpahusruoktobálvalusat organiserejuvvojedje earáláhkái go oahpahusbuhcciidsiiddat. Buot ovttadagain seammá fylkkas leat seamma ovddasvástádus ja seammá barggut.
 
 
 
 
2011
 
 
 
Go bajit strategiija 2011-2015 bođii fápmui, de ožžo oahpahusbuhcciidsiiddat ja –ruoktobálvalusat ođđa nama ja ođđa logo. Ođđajagemánu 1.b. rájes 2011 lea áŋgiruššama namma Buhcciidsiidda ja ruoktobálvalusaid ovdánahttinguovddáš .Buot ovttadagat ožžo ovdánahttinguovddáš-stahtusa, seammá ovddasvástádusa ja seammá bargguid.
Tips en venn Skriv ut